瑞典綠色新煮意 Carrie´s Vego Kitchen

市面上買到的雪糕，只要你仔細看看成份，其實加入了大量精製糖 ( 白糖 ) 。何不自己落手做個 ⎡善良版走白糖雪糕⎦，幾種材料幾個步驟，自家製純素雪糕好 easy ！ 雪糕甜味全來自椰棗，加上已烘過的黑白芝麻和芝麻醬，香濃細緻，健康又消暑呢。還有此食譜不含蛋奶成份，對蛋奶有過敏的朋友都可以安心食用。 椰含鉀、維他命 A1 、 B1 、 C 等人體所需的營養，它的纖維量比其他棗類更高。利用它的天然甜味做成甜品，根本不需要額外加糖。除此之外，椰棗有豐富鐵質，對於素食人士來說，是不錯的補充品。 *提示: 點擊播放影片後記得選擇HD高清收看呵!* 【雪糕抗炎夏】黑白芝麻雪糕 Vegan Sesame Ice Cream 準備和製作時間 : 20 分鐘   分量 : 0.5 公升 ( 約 3 人 ) 材料 : 黑芝麻 2 湯匙 ( Black sesame 2 tbsp ) 白芝麻 2 湯匙 ( White sesame 2 tbsp ) * 椰棗 12 粒 ( Dates 12 ) ** 椰漿 1 罐 ( Full fat coconut milk 1 can ) ***Tahini 中東芝麻醬 2 湯匙 ( Tahini 2 tbsp ) 雲呢拿精油 1/4 茶匙 ( Vanilla aroma 2 tsp ) ( 不喜歡可省去 ) * 如感覺用的椰棗較為乾身 ( 因爲椰棗有很多種 ) ，可先用熱水浸軟、印乾水後才使用 ** 椰漿要用全脂，即脂肪含量 19% 以上，在罐上的營養成分表內可看到 ***Tahini 中東芝麻醬較一般芝麻醬香濃，如找不到用其他芝麻醬亦可 做法 : 1. 黑白芝麻用小火炒香 ( 不用落油 ) ，炒至微微金黃色即可，盛起 2. 取 3 湯匙已炒香的黑白芝麻加入攪拌機打碎。其餘的留起吃時灑上雪糕面 3. 加入已去核椰棗，打勻 4. 加入椰漿、 Tahini 中東芝麻漿、雲呢拿精油 ，打勻 5. 入盒，置冰箱過夜 6. * 食前約 15 分鐘從冰箱取出解凍至微軟身，挖出加入攪拌機打滑，即成！ * 如食剩再入冰箱冷藏，下次食時可重複步驟 6 ，另外解

瑞典今個夏季超好天， 日日放學後都陪阿仔同陽光玩遊戲，攰到呢...... 返到屋企，好想大開個窗，向天大叫⎡我唔想煮飯呀⎦！ 當然，我無大叫， 不過，我真係好認真地用盡腦汁， 諗點先可以唔洗煮又有得食。 呢款，就係近期最愛食的懶人餐喇！ 塞爾維亞甜椒醬Ajvar(這是我超市買現成的)， 其實是紅甜椒和茄子、蒜、醋、油等材料打成醬泥， 味道甜中帶點微酸辣，瑞典人喜歡BBQ時用它配肉或香腸食。我個人覺得配任何香口惹味的食物都好食。 就係咁，呢味免煮意就誕生。 其實我諗緊，Ajvar醬可以研究吓自己整啫....... Facebook專頁  https://www.facebook.com/carriesvegokitchen/

從小我就喜歡白汁，記得兒時最愛食 Pizza H_t 的白汁闊條麵，每條麵都沾上又厚又濃白汁，食完嘴巴會白色，非常回味呢。到現在，中女一名仲要生過仔，真係吸多口空氣都肥 ( 你懂的 .....) ！飲食不能太放縱了，高脂高鹽高卡的可免則免。想食白汁？！唯有諗諗計，改改佢！用菜籽油代替牛油，白味噌加植物奶代替雞 / 上湯，來個日式 fusion 有何不可，小朋友都啱食呢！還有味噌 ( 麵豉 ) 含豐富蛋白質、維他命 E 、 B 群、大豆異黃酮、卵磷脂等營養素。據研究指，味噌的蛋白質分子比較小，比起直接食用大豆，更能讓身體吸收大豆裡的蛋白質。味噌咁多好處，難怪日本人日日都食味噌。 *提示: 點擊播放影片後記得選擇HD高清收看呵!* 【和風西餐】味噌白汁香菇闊條麵 Vegan Creamy Miso Mushroom Fettuccine 準備和烹調時間 : 25 分鐘 分量 : 2 人 材料 : 新鮮香菇 120 克 ( Fresh shiitake mushrooms 120 g ) 西蘭花 1 個 ( Broccoli 1 ) 洋蔥 1 個 ( Onion 1 ) 蒜頭 5 瓣  ( Garlic 5 cloves ) 白味噌 2 湯匙 ( White miso 2 tbsp ) 麵粉 2 湯匙 ( Flour 2 tbsp ) * 菜籽油   2 湯匙 ( Rapeseed oil 2 tbsp ) ** 植物奶 2 1/2  量杯  ( Planted-based milk 2 1/2 cups ) 闊條麵 ( Fettuccine )  鹽和黑胡椒碎 適量 ( Salt and black pepper, to taste )  * 其他煮食油都可以 ** 任何植物奶都可以，例如杏仁奶，燕麥奶 做法 : 洋蔥、蒜頭切細粒，香菇切片，西蘭花切細 中火燒熱適量油，加入西蘭花、少許水和鹽，炒熟，盛起備用 用鍋煲滾水，加少許鹽，放入闊條麵煮熟   ( 根據包裝上的時間指示 ) ，煮好後隔去水，備用 中火燒熱適量油，爆香洋蔥粒和蒜粒 用鑊鏟推開洋蔥粒和蒜粒，留空中間位置，下 2 湯匙菜籽油和麵粉，將鑊中全部材

單單白色幻彩珍珠閃嘅包裝已經夠吸引，仲要係Vegan純素加上最愛的杏仁奶味，令到我呢個好少飲酒嘅煮飯婆，都要買番支嚟飲吓！ 一打開蓋已經聞到陣陣杏仁香，前一晚預先用杏仁奶做了冰粒，加入酒飲。濃郁杏仁奶味加上甜酒，又香又滑，甜度亦剛剛好。不過女生們小心因為太易入口太好飲，而飲多咗唔知🤤。邊飲邊想念我嘅香港閨蜜們，幾時可以一齊飲番杯？！ (呢支酒係瑞典買的，香港朋可去酒鋪問吓有無售) Picture by: Carrie Ng (個樽咁靚我落足心機幫佢影張靚相😁) #baileysalmande #vegan #純素 #不傷害動物又美味 #潮吃純素 #我不吃肉因為我認為所有人和動物都應該受公平對待  #保護弱勢  #用自己感染別人 #我無學過攝影只係用心去影 #希望用吸引嘅素食影像感染到更多人減肉多素 #小師奶大志願 #飲杯 Facebook專頁  https://www.facebook.com/carriesvegokitchen/

最近我學校功課好忙，食肉獸又經常接到上司電話突發要OT至夜晚。我帶仔返學放學洗衫煮飯洗碗陪仔玩 ....... 再等仔瞓著後，自己出廳做功課，攰到我呢 ....... 突然，醒起食肉獸要連續OT幾日，即是他要帶多一餐飯盒返工！我打開雪櫃，懊惱煮乜好，此時救星出現 - 食剩半樽的意式油浸番茄乾！就係咁，這個手殘都會做之⎡特濃番茄乾醬意粉⎦誕生。另外我亦盡顯慳家本色，物盡其用，用浸番茄乾的油起鑊，不浪費之餘，亦令其味道更香更濃， win-win 雙贏。食肉獸表示非常喜歡，一連食了幾日都話未厭，話個番茄乾醬越來越入味。佢仲沾沾自喜咁話，唔覺唔覺幾日冇食過肉。 又再一次加強我信心 - 簡單煮都可以做出美味有營新派純素！ *提示: 點擊播放影片後記得選擇HD高清收看呵!* 【 超易快煮意 】特濃番茄乾醬意粉 Vegan Sun-Dried Tomato Spaghetti 準備和烹調時間 : 25 分鐘 分量 : 3 至 4 人 材料 : *意式油浸番茄乾 約 10 片 ( Sun-dried tomatoes in oil 10 ) 水 2 量杯 ( Water 2 cups ) 意粉 ( Spaghetti ) 浸番茄乾油 適量 ( Sun-dried tomato oil ) 紅洋蔥 2 小個 ( Red onions 2 small size ) 蒜頭 5 瓣  ( Garlic 5 cloves ) * 植物肉碎 200 克 ( Plant-based ground meat 200 g ) 番茄蓉 1 罐 ( Crushed tomatoes 1 can ) 奧勒岡碎 1 茶匙 ( Oregano 1 tsp ) 鹽 適量 ( Salt, to taste ) 黑椒碎 適量 ( Black pepper, to taste ) * 不用植物肉碎的話，可用搓碎硬豆腐，或扁豆 (lentil) 代替   做法 : 紅洋蔥切細粒，蒜頭切成蓉 * 將約 10 片油浸番茄乾加水，用手持攪拌棒打成醬，備用 用鍋煲滾水，加少許鹽，放入意粉煮熟   ( 根據包裝上的時間指示 ) ，煮好後